عن موقعة الجمل من وجهة نظرهم!

فترة كبيرة أوي من أخر مرة رحت ركبت فيها خيل.. و أنا باقلي 7 سنين بركب خيل فا إني أقعد بالشهور مركبش خيل دي بتعملي أزمة نفسية! لذا قررت أقضي يوم الجمعة اللي فات (اللي هو إمبارح) في نزلة السمان أهوه أتسحر اقعد على قهوة بلدي وأركب خيل لحد الصبح!

وأنا في الإستراحة قعدت أدردش (كالعادة) مع التباع اللي بيطلع معانا على طول.. وجت سيرة الثورة ثم جاءت سيرة موقعة الجمل الشهيرة! وشاءت الأقدار إن التباع ده طلع من الناس اللي شاركت في الموقعة. ده كمان كان معانا أحد الخيول البلدي الأصيلة اللي شاركت في الموقعة.. قررت أسمع قصته و هحطهالكم هنا بدون أي زيادة أو نقصان وبدون تعليق وأسيبكم إنتم تقروا الكلام بدون أي تدخل مني والكلام اللي هتقروه لاحقاً أنا ماليش أي مسئولية عليه أو على صحته!

سيب البسكلتة في حالها يا لؤي!

لؤي نجاتي 21 سنة طالب بكلية حاسبات ومعلومات أكاديمية الشروق.. لؤي ده شاب زيي بالضبط وزيك برضو على درجة عالية من الثقافة.. لا تمويل أجنبي ولا داخلي..
من أول مرة قابلته عرفت إنه شاب صعيدي دمه يفور على كرامة بلده.. هو مطلبش أي حاجة غير وطن أنضف.. وعشان كده كان من أول الناس اللي نزلت في 25 يناير والنظام القديم صوره زي غيره كتير على إنه قلة مخربة وبعد ما إفتكرنا إن النظام القديم إنزاح شكروا الثوار وباسوا أيديهم..
لكن دلوقتي بيتعاملوا (وللمرة التانية) على إنهم بلطجية وقلة مدفوعة الأجر عايزة تخرب و قال إيه.. توقف عجلة الإنتاج! ياخي يلعن ميتين أبو العجلة اللي مبتعملش حاجة غير إنها بتاخد من وسطنا الأبرياء!

بسكلتة الإنتاج هي بإختصار ساقية الحرامية.. عايزنها متوقفش عشان مناخدش بالنا من البلد اللي هي بتاعتنا وهما إفتكروها عزبة أبوهم..

بعد ساعة من دلوقتي في وقفة تضامنية مع لؤي عند مجمع المحاكم العسكرية بالحي العاشر في مدينة نصر!

الثورة خلاص بطلت ترجع إلى الخلف.. الثورة توقفت تماما عشان خاطر البسكلتة تدور وتلف بينا لحد ما ندوخ وننسى حقوقنا!

أنا سكت لما الناس اللي معرفهاش إتظلمت ومحستش دلوقتي بوساخة سكوتي إلا لما الموضوع جه في صديق ليا! وعارف إن إحتمال كبير أوي لؤي يطلع بعد فترة زي غيره كتير وإنها مجرد قرصة ودن.. لكن برضو ممكن ياخد أحكام "عسكرية" زي غيره كتير على إنه بلطجي.. وليه أصلا يتقرص ودنه.. هو الواد كان بيعمل حاجة غلط لا سمح الله!!!!؟

أنا مش بعمل من لؤي بطل ولا حاجة لكن أنا سنحت ليا الفرصى أعرف لؤي عن قرب وعارف إنه لا بلطجي ولا عنده أجنده.. ونفسي كمان تعرفوا الكلام ده عشان متقولوش على الناس دي بلطجية!


الورد اللي فتح في جناين مصر دبل ومات عشان مروناهوش!

فيديو - كلاب الداخلية رجعوا بقوة!

خلاص كونت رأيي بعد ما كنت إمتنعت عن الكلام في أحداث 28 يونيو 2011 اللي حصلت في وسط البلد والتحرير وإستمرت حتى يوم 29.. شفت بعيني محدش قالي.. أيا كان اللي بدأ واللي حصل مينفعش تعاملوا المتظاهرين كده.. أنا حاسس إني كنت بتفرج على تسجيلات من يوم 28 يناير!

أهو أديني بحط الفيديو هنا كأرشيف للحظة التاريخية في سياق تاريخ الداخلية الطويل والنجس!

أحب أقول! مفيش حاجة إتغيرت ولازم نجيب حقنا المرة دي..
ملحوظة: الفيديو فيه ألفاظ ناس كتيرة بتعتبرها ألفاظ مش ولا بد "خارجة يعني"



لعل الأحداث دي تكون منبه الإستيقاظ أو الـ Wake up Call بتاعنا...

إرحمونا بقى يا ولاد الوسـخة نص مصر هتسقط بسببكم.. إتقوا الله شوية! أوف

الذمة المالية لعائلة مبارك

ذكرت صحيفة جارديان البريطانية أن ثروة الرئيس المصري حسني مبارك وعائلته تتراوح بين 40 و70 مليار دولار، وفقًا لتحليل خبراء في الشرق الأوسط.

وأوضحت أن هذه الثروة موزعة ما بين أرصدة في بنوك سويسرية وبريطانية، وعقارات في بريطانيا والولايات المتحدة الأميركية ومصر.

وبحسب الصحيفة فإنه "خلال ثلاثين عاما بوصفه رئيسا للجمهورية ومسؤولا عسكريا رفيعا، استطاع مبارك الحصول على أرباح تقدر بملايين الدولارات من خلال صفقات الاستثمار، معظمها تم إخراجها من البلاد ووضعها في حسابات سرية ببنوك سويسرية وبريطانية، مثل بنك يو بي أس السويسري وبنك أسكتلندا، واستثمر بعضها في منازل وفنادق".

رؤية شخصية في أحداث 25 يناير الثورية

كنت قد قررت ألا أطلق عليها أكثر من مظاهرة كغيرها من المظاهرات؛ ربما لأني هكذا رأيتها.. ولذلك لم أشترك بها منذ البداية لعدم إيماني بقوة التظاهر السلمي أو ما يعرف بالمقاومة السلمية ورؤيتي لغاندي كمثال شاذ عن القاعدة لا أكثر.. وأنا مؤمن تام بالقول "الحرية شجرة ...يجب أن تُروى من حين لآخر بدماء الاحرار و الطغاة"
وذهلت عندما شهدت هذه المظاهرة تتحول لثورة بكل معاني الكلمة! ولذلك قررت الإشتراك فيها لأجد شيئا أفخر به في المستقبل..
ليس لدي النية لكتابة تدوينه أو مقال كامل فلا وقت لدي لكتابته كما إنكم -كما أظن- ليس لديكم وقت للقراءة!
بإختصار شديد فهذه عبارة عن "قصاقيص" أفكار على هيئة نقاط لا علاقة لها ببعضها.. هي أراء شخصية بحتة دونتها على فترات متقطعة طوال أيام القورة لذا قد تجدونها غير مرتبة وقد تتضارب الأفكار أو الآراء تبعاً لتطور الأحداث التي لا تزال قائمة حتى لحظة كتابة هذه السطور!

سياسة على واحدة ونص

الشعب المصري فعلاً شعب جبار. قادر على كل شيئ.. مفيش شريط أغاني جديد بينزل إلا وبنجيبه كامل وعالي جودة كمان حتى قبل ما ينزل في السوق! مفيش نسخة ويندوز إلا وبنضربها مهما كانت درجة تشفيرها أو حمايتها.. وهو ده اللي فالحين فيه وبس!

لأ لسه في.. كنت هنسى حقيقة إن مفيش نظام سياسي ناجح في العالم كله من مئات السنين إلا وبنقدر نثبت فشله ونظهر عيوبه الكتيرة، منها الديمقراطية والبرلمان وإنتخاباته..

قصاقيص من هنا وهناك

فعلاً فكرة نقل المدونة الشخصية لبلوجر أراحتني كثيراً ولن أخفي عليكم بعكوكة قد أصبحت أقرب إلى قلبي من أى مدونة أخرى قد شاركت فيها بما فيها مدونة موقعي الشخصي - لا إلتزام بمواعيد كتابة محدده - لا إلتزام بنوع معين من المواضيع الواجب طرحها - فقط أكتب و أخرج ما بداخلي. ولا أهتم بالتعليقات أو المشاهدات طالما قد أنزلت ما أحمله على كاهلي بالبعكوكة.
اليوم لن أتحدث عن موضوع محدد بل سأجمع قصاقيص عن أشياء بسيطة من هنا وهناك. وأعتقد إني سأكثر من هذه القصاقيص مستقبلاً. سأتكلم اليوم عن بعض الروابط و الأمور الشخصية كما سأتحدث عن التويت أب الذي أقيم مؤخراً في 17/10/2010

إجازة رسمي

بدأ موضوع النهادرة معايا بإحساس بواجبي كأحد أفراد الجالية المصرية بمصر إني لازم أكتب حاجة في اليوم البهيج ده.
لكن ولأن نفسي دايماً قالبه عليا وكالعادة مش مطوعاني قلت هكتب إعتذار إني مش هكتب أى حاجة عن اليوم ده وهفضل ساكت.
المشكلة إن الإعتذار بدأ و إتحول وبقى تدوينة فعلية وطويلة عن البلاوي اللي قلبت بطني و منعتني إني أكتب حاجة في اليوم ده. ولما طال الكلام قطعت الورقة وقولت أنا مش هسكت بس مش هحكي قصة حياتي برضو!
أنا بس هلفت نظركم لحاجات صغيرة أوي. برضو عيب أوي إن اليوم يمر علينا مرور الكرام! ده يوم مفترج.. ده عيد قومي.. أيووووووة عيد قومي! أول بقى ما الكلمة دي نطت في الورقة جه في بالي سؤال ومش لاقي إجابته..

ماذا تقرأ الآن ؟ (واجب)

واجب جالي من أخي حسن يحيى صاحب مدونة عين العقل وواجب على أن أحله.. ومع إن الواجب كان المفروض حله من حوالي إسبوع إلا إني ربما لا أختلف عن حسن يحيى فأنا أيضاً من أخر الناس التي تحل الواجب وتؤجل عمل اليوم إلى الغد

فلسفة الحياة في فنجان قهوة

إيميل وصلني من أحد الأصدقاء من نوعية "مشاركة الإيميلات الجيدة" ووصلني منذ مدة تزيد عن السنة ولا أعرف لماذا لم أشاركه حتى الآن..

ربما لأني قرأت هذا الإيميل ولم أعره الإنتباه حينما قرأته لأول مرة وحدثت لي بعض الأحداث مؤخراً جعلتني أفكر في حياتي بشكل أعمق ثم.. تذكرت الإيميل بحثت عنه في طيات صندوق البريد ووجدته. قرأته مرة أخرى وأحببت أن أشارككم إياه وربما قرأتموه من قبل وربما لا.. في النهاية أتمنى ممن لم يقرأه من قبل أن يعجبه وأن يعمل بما فيه