خلينا في موضوعنا مين ده؟
أيوة اللي في الصورة ده مين؟والله سؤال بسيط! لو عرفتوه أحييكم طلعتم متابعين كويسيين لكن لو معرفتهوش برضو مش مشكلة ممكن تقولوا عليه "بني آدم" عشان هو فعلاً كان إنسان وكائن حى.
ده يا جماعة كان شاب مصري اسمه خالد محمد سعيد ، إسكندراني و مكنش أكبر مني في السن بكتير (وكان عشان هو توفى) أه مات يوم الثلاثاء الموافق 8 يونيو 2010 لما كان قاعد في سيبر (نت كافيه) ودخلت المباحث عايزه تفتش (مش مشكلة) بس كل اللي عمله إنه سأل أنا بتفتش ليه !؟
كانت النتيجة انه إتنفخ على رأى كاتب فيلم عسل اسود (لو كنتم شفتوه) بس الفرق إنه لقى برضو اللي يفسيه بعد ما اتنفخ. يعني راح بدون أى ذنب!
أنا عايز أعرف بس هو راحت فين سياسة اضرب ضرب يوجع ميعلمش؟
بعد رؤية مبررات و أكاذيب الحكومة والـ!@#$ اللي حصل في الموضوع، مبقاش غلطة فرد من أفراد القمل (ﻻ مؤاخذة الأمن) لا ده بقى غلطة الوزارة ذات نفسها وكل اللي أقدر أقوله حسبى الله ونعم الوكيل فيكم يا عالم يا قذرة
كفاية كده داحنا بني آدمين برضو يا عالم! طيب انا مش هحكي القصة كاملة عشان هي أصلاً منتشرة على النت ومفيش فايدة إني أعيد نفس الكلام أو أنشر نفس الصور اللي تخلي أى حد فينا يقشعر ويطرش من القرف! :upset:
بصوا أنا مش هكمل كلام. مش عشان مفيش كلام يتقال لأ بس مش عايز أكمل عشان مبقاش من الشعب المصري اللي هو أصلاً شعب الكلام وبس وبحاول أعرف إيه اللي ممكن أعمله في الوقت الحالي غير الكلام...
كملوا انتم وقولولي إيه ده؟ مين ده؟ طيب ينفع كده؟
ليست هناك تعليقات:
إرسال تعليق